Sunday, January 8, 2012

ek sawal - 07 , Jan

ek sawal.....

kal maine RJ_Sushmita ne sabhi se ek sawal pucha ... sawal ek photo me chhupa tha. kisi ne ek movie ka naam bataya , kisi ne sher likh dia , kisi ne nazm me badal dia... Haan maine hi kaha tha , is pic. ko dekh kar jo bhi khayal jehan me aaye , likh dein.

aankhon me kho jaye aankhein
boley haath se haath,,
aankhon me kho jaye aankhein
boley haath se haath,,

chup tum raho,chup hum rahe
khamoshi ko khamoshi se
zindagi ko zindagi se baat karne do...

waah ,, bahut hi pyaara song hai,, har ek song ke lyrics mujhe tab samjh aate hai jab mein kaam se free ho kar shaanti me song sunti hun.... Jaante hai? hum jo kuch bhi kabhi bhi likhte hai , wo sab khayal kaha se aate hai?? apne aas paas se... apne aas paas ki cheejo se.. aise hi ye photo bahut kuch kehti hai....  


kabhi- kabhi humari planning fail ho jati hai... kyunki shayad hum apne aap se ya us plan se kuch zyada hi umeed laga kar baith jate hai....
















dekh rahe hai is photo ko ?... door door tak dekhey.... agar aap kahey ye bahut hi shaant jagah hai to mein kahungi bilkul nahi... Haan yaha logo ki bheed dikhai nahi de rahi per wo sab aapke deemag me to hai.. kuch baatein koi khayal , logo ki bheed , apno ka zikr , problms n all... Agar aap akele ja kar yaha baith jaye to bhi ye sab aapke sath chalenge , wo aapke mann me jo hai..... Haan agar aap kisi ke bhi baare me na sochey to phir ye jagah wahi hai jo dikh rahi hai..... Bahut hi pyaari... sochey jisne ye photo click ki usko ye jagah kitni pasand aai hogi.... ho sakta tha ye jagah itni khubsurat na lagti agar ye pedh aur ye jhoola nahi hota..... 

Har cheej ki apni importance hoti hai....

agar mein us jagah per hoti to....... kaafi samay tak akeli baithi rehti,, apne achche burey palon ko yaad karti aur ghar laut'te waqt yaha se ek smile le kar jati .....

ghar ko wapas laut rahe hai
kadmo ke nishaan lehron me kho kar

yaadon ko chhod kar ja rhe hain
nayi yaadon ko bun'ne

gar sach me muskura chahe
to phir se nayi shuruwat karey

sath wahi safar ho bas 
yaadein nayi ho.....

Sushmita.....

Wednesday, January 4, 2012

:) ek aur khwaaish...


     jab bhi main likhna start karti hun to samajh hi nahi aata "kya likhu" .. apni mann ki baat likhey huey kaafi time ho gaya . Aksar kuch baaton ko poetry (khayal) ya ek pal ka roop de deti hun per bahut si baatein adhoori reh hi jati hai... aaj mein phir se Sushmita ban kar RJ_Sushmita ki life discuss karna chahti hun ...

    sab se pehle to kaafi achcha lag raha hai apne Blog me wapas aa kar. RJ_Sushmita aur Sushmita me fark to hai hi.. is time clock me 1:00am ho rahe hai aur mein ek song kaafi der se sun rahi hun :) ,, " jaadu hai tera hi jaadu, jo mere dil pe chhane laga" .. shayad hi itne songs maine roz suney honge jitna RJ banne ke baad sune.. haha.. bt aaj ,, aaj achaanak hi ye song meri jubaan pe aa gya aur achcha bhi lag raha hai :)

  Mera sapna ek Best RJ banna .... jiske liye mein din raat bas kuch na kuch naya sochti rehti hun,, new idea aur mein kab soti hun kab jaagti hun kuch pata nhi..... per 1 saal aur kuch mahine pehle ki baat karey to mein roz apne blog mein bahut si baatein likhti thi... aaj bhi thand me wahi mere haathon ka thanda ho jana  aur phir blog likhte likhte haathon ko ragadna..... achcha lag raha hai apni duniya me wapas aa kar...

    AahaaAn to janaab mein hun wahi naughty si,, nanhi si chulbuli si pyaari si bhi :D Sushmita jo apni duniya me rehna zyada pasand karti hai... pata hai kya mann kar raha hai ???,,,, ek hottttt melt chocolate khaane ka wo bhi is time... uuuummmm yumm yuummm... hahahhaa

    Pata hai? mera bada mann kar raha hai ke mein 5-6 din baahar ghumne jaau , fb se door , frnds ke sath ghumne aur bahut saari pix click karu.... aur train me safar ,, hum sab frnds mil kar train me itna shor karey... shor se yaad aaya ke mera bada mann hai ek baar me kisi aisi jagah jaau jaha sirf hariyaali ho aur bahut shaaanti aur me apni baahein faila kar ,, aasman ki aurr dekh kar aankhein band kar ke smile karu.....yunhi kuch der rahu aur mehsoos karu wo lamha wo place aur jb aankhein kholu to sab tension sab prblm se door ho jau.... aur ghanton tak us jagah baithi rahu... ek khaali bench aur aas paas hariyaali.... jameen pe ghaans aur haath me ek notepad aur ek pen.... mein sketching karu aur kuch likhu.... jo bhi likhu uske sath ek drawing bhi... :)

      ek chota sa khwaab ,,, jaane kab poora hoga ........ bt sach me mein aisa chahti hun .. ek lonely place pe jaau jo bahut hi pyaari si jagah ho....
 

















Sushmita.....